نوئیڈا: سڑکیں تالاب میں تبدیل، سرکاری ہسپتال اور پولیس چوکی میں بھی پانی

دہلی این سی آر میں ہوئی موسلا دھار بارش سے دہلی ایک بار پھر ہوا پانی پانی۔ سرکای ہسپتال اور پولیس چوکی میں شدید بارش کے سبب پانی داخل ہوگیا۔

نوئیڈا، گریٹر نوئیڈا، دہلی اور غازی آباد سمیت پورے این سی آر میں رات سے موسلادھار بارش ہورہی ہے۔ بھاری بارش کی وجہ سے نوئیڈا اور گریٹر نوئیڈا کے کئی مقامات پر پانی جمع ہوگیا ہے۔ نوئیڈا اور گریٹر نوئیڈا کی سڑکیں تالاب میں تبدیل ہوگئی ہیں۔ پانی جمع ہونے کی وجہ سے گاڑی والوں کو شدید مشکلات کا سامنا ہے۔ یہاں تک کہ سیکٹر 30 میں واقع ضلع اسپتال میں بھی پانی داخل ہوچکا ہے۔ سیکٹر 15 میں لوگوں کے گھروں میں پانی گھس چکا ہے۔ مقامی لوگ گھروں کے اندر سے بالٹی اور ڈبوں سے پانی نکال رہے ہیں۔ نوئیڈا کی سیکٹر 63 پولیس چوکی میں بھی پانی بھر گیا یے۔ چوکی کے باہر سڑک پر تالاب جیسی صورتحال ہے۔ لوگ شدید کرب میں مبتلا ہیں ایسا کوئی علاقہ نہیں بچا جہاں پانی جمع نہیں ہوا ہو۔

دیہات اور سیکٹروں کی خراب حالت۔نوئیڈا اور گریٹر نوئیڈا کے دیہی علاقوں کی حالت مزید خراب ہے۔ گاؤں کے علاوہ سیکٹروں میں بھی پانی بھرگیا ہے۔ رات کی بارش کے بعد نوئیڈا اور گریٹر نوئیڈا اتھاریٹی کی ناقص کارکردگی نظر آرہی ہے۔ نوئیڈا-گریٹر نوئیڈا ایکسپریس وے پر پانی بھر گیا ہے۔ گاڑیاں تقریباً 30۔30 فیصد پانی میں ڈوبی ہوئی نظر آرہی ہیں۔ اس کے علاوہ نوئیڈا کے سیکٹر 60 انڈر پاس میں پانی جمع ہونے کی وجہ سے ٹریفک نظام بری طرح متاثر ہوa ہے۔

پانی مکمل طور پر نوئیڈا کے سیکٹر 44 میں داخل ہوگیا ہے۔ لوگ گھروں کے اندر پھنسے ہوئے ہیں۔ گوتم بدھ نگر کی حالت ایک رات کی بارش میں بد سے بدتر ہوگئی ہے۔ گھروں، گلیوں، سڑکوں اور سیکٹرز میں بارش کا پانی جمع ہے۔ بارش نے نوئیڈا اور گریٹر نوئیڈا حکام کی تیاریوں کی پول کھول دی ہے۔