دارالحکومت دہلی کے نظام الدین میں واقع غالب اکیڈمی کے زیر انتظام مفت اردو کورس کا آج سے آغاز کیا گیا جس میں نہ صرف چھوٹی عمر کی بچیاں تعلیم سے مستفیذ ہورہی ہیں بلکہ بزرگ افراد بھی اردو سیکھنے کے غرض سے آرہے ہیں۔
غالب اکیڈمی کے ذریعہ اردو کے ساتھ ساتھ عربی اور خوش نویسی کے کورسز بھی کرائے جا رہے ہیں ان کورسز کی سب سے خاص بات یہ ہے کہ یہاں ہر عمر کے طالب علم داخلہ لے سکتے ہیں۔
عام طور پر دہلی میں جہاں بھی مفت اردو کورسز پڑھائے جاتے ہیں ان میں تعلیمی لیاقت کم از کم 10 ویں جماعت تک ہونا لازمی ہوتا ہے جبکہ غالب اکیڈمی کے ذریعے شروع کیے گیے اردو عربی اور خوش نویسی کے کورسز میں ایسی کوئی پابندی نہیں ہے۔
اوکھلا میں ملازمت کرنے والے 64 سالہ بزرگ غالب اکیڈمی میں اردو عربی اور خوش نویسی سیکھنے آتے ہیں وہ بتاتے ہیں ان کے برزگ کی تحریر کافی متاثر کن ہوا کرتی تھی اسی لیے وہ بھی کافی عرصہ سے خوش نویسی سیکھنے کا موقع تلاش رہے تھے لیکن انہیں موقع نہیں مل پا رہا تھا۔ جب انہیں غالب اکیڈمی کے ذریعے شروع کیے گیے اردو عربی اور خوش نویسی کورسز پڑھائے جانے کی اطلاع ملی تو انہوں نے فورا ہی ان تینوں کورسز میں داخلہ لے لیا۔
