نئی دہلی: یونین پبلک سروس کمیشن (UPSC) نے منگل کو سول سروسز 2022 کے امتحان کے نتائج جاری کیے۔ ایشیتا کشور نے سول سروسز امتحان 2022 میں ٹاپ کیا ہے۔ گریما لوہیا اور اوما ہریتھی این نے بالترتیب دوسرا اور تیسرا مقام حاصل کیا ہے۔ ان کے علاوہ اسمرتی مشرا، میور ہزاریکا، گہانا نوی جیمز، وسیم احمد بھٹ، انیرودھ یادو، کنیکا گوئل اور راہول سریواستو سمیت 10 امیدواروں نے اپنی ذہنی صلاحیتوں کا مظاہرہ کیا اور اس انتہائی مسابقتی امتحان میں شاندار کارکردگی کا مظاہرہ کیا۔ سول سروسز امتحان 2022 میں 933 امیدواروں نے کامیابی حاصل کی۔
یہ بھی پڑھیں:
یو پی ایس سی کے مطابق ان میں جنرل زمرہ کے 345 امیدوار، ای ڈبلیو ایس زمرہ کے 99 امیدوار، او بی سی زمرہ کے 263 امیدوار، ایس سی زمرہ کے 154 امیدوار اور ایس ٹی زمرہ کے 72 امیدوار ہیں۔ تجویز کردہ امیدواروں کے علاوہ، امیدواروں کی ایک ریزرو فہرست بھی UPSC کے فائنل رزلٹ 2022 میں شامل ہے۔ اس محفوظ فہرست میں 178 امیدوار ہیں جن میں جنرل زمرہ کے 89 امیدوار، ای ڈبلیو ایس زمرہ کے 28 امیدوار، او بی سی زمرہ کے 52 امیدوار، ایس سی زمرہ کے 5 اور ایس ٹی زمرہ کے 4 امیدوار شامل ہیں۔
نتیجہ یہاں چیک کریں: وہ امیدوار جنہوں نے مینز امتحان اور انٹرویو میں شرکت کی ہے وہ اپنا نتیجہ UPSC کی آفیشل سائٹ upsc.gov.in پر دیکھ سکتے ہیں۔
1022 آسامیاں پُر کی جائیں گی: اہم بات یہ ہے کہ یو پی ایس سی فائنل رزلٹ 2022 سے مختلف خدمات میں کل 1022 آسامیاں پُر کی جانی ہیں۔ یہ آسامیاں مختلف زمروں میں تقسیم کی گئی ہیں: جنرل کے لیے 434، EWS کے لیے 99، OBC کے لیے 263، SC کے لیے 154 اور ST امیدواروں کے لیے 72۔ خدمات میں IAS، IFS، IPS، سینٹرل سروسز گروپ 'A' اور گروپ 'B' کی خدمات شامل ہیں۔
