یوپی ایس ٹی ایف گرفتار ملزم کی شناخت کیلئے پی ایف آئی کے دفتر پہنچی

پی ایف آئی کے دفتر کے منیجر محمد کیف سے نمائندہ ای ٹی وی بھارت نے بات کی۔ انہوں نے بتایا کہ یہاں کوئی چھاپہ ماری نہیں ہوئی ہے۔ بلکہ یو پی ایس ٹی ایف کے جوان یہاں صرف یہ تصدیق کرنے آئے تھے کہ انشد بدر الدین کیا پی ایف آئی کے ساتھ منسلک ہے۔ جب دفتر سے اس بات کی تصدیق کر دی گئی تو یو پی ایس ٹی ایف کے جوان یہاں سے چلے گئے۔

دارالحکومت دہلی کے شاہین باغ علاقے میں واقع پاپولر فرنٹ آف انڈیا کے دفتر پر آج اتر پردیش اسپیشل ٹاسک فورس کی جانب سے لکھنؤ میں کی گئی گرفتاری کے بعد انشد بدر الدین کو دہلی لیکر پہنچے۔ یہاں پی ایف آئی کے دفتر میں لے جا کر اس بات کی تصدیق کی کہ کیا انشد بدر الدین پی ایف آئی کے ہی رکن ہیں؟

جب اس بات کی تصدیق ہوگئی تو اسپیشل ٹاسک فورس پاپولر فرنٹ آف انڈیا کے ریاستی دفتر سے چلی گئی۔ ای ٹی وی بھارت کے نمائندے نے اسی سے متعلق پی ایف آئی کے دفتر کے منیجر محمد کیف سے بات کی جس میں انہوں نے بتایا کہ یہاں کوئی چھاپہ نہیں مارا گیا بلکہ یو پی ایس ٹی ایف کے جوان یہاں صرف یہ تصدیق کرنے آئے تھے کہ انشد بدر الدین پی ایف آئی کے ساتھ منسلک ہیں یا نہیں۔ جب اس بات کی تصدیق دفتر سے کر دی گئی تو یو پی ایس ٹی ایف کے جوان یہاں سے چلے گئے۔

قابل ذکر ہے کہ اتر پردیش کی اسپیشل ٹاسک فورس نے گذشتہ دنوں لکھنؤ سے 2 نوجوانوں کو گرفتار کیا تھا جس میں ایک کا نام انشد بدر الدین ہے جبکہ دوسرے کا نام فیروز خان ہے۔ یہ دونوں کیرلہ کے رہنے والے ہیں۔ یو پی پولیس نے ان کے پاس سے بم بنانے کا سامان برآمد کرنے کا دعوی کیا ہے۔

پولیس کے مطابق دونوں نوجوان سیریل بلاست کرنے کی پلاننگ کر رہے تھے۔ تاہم اس میں ابھی جانچ جاری ہے۔