اے ایم یو پروفیسر راشد عمرقومی ایوارڈ سے سرفراز

عالمی شہرت یافتہ علی گڑھ مسلم یونیورسٹی (اے ایم یو) کے شعبہ طبقات الارض (فیکٹی آف سائنس) کے پروفیسر راشد عمر کو زیر زمین آب کے میدان میں ان کی سائنسی خدمات کے اعتراف میں قومی ایوارڈ سے نوازا گیا۔

پروفیسر راشد عمر کو ان کی سائنسی خدمات کے اعتراف میں انٹرنیشنل ایسوسی ایشن آف ہائڈرو جیولوجسٹس کی ہندوستانی شاخ (آئی این سی - آئی اے ایچ) نے سال 2019 کے لیے گراؤنڈ واٹر سائنس میں امتیاز کیلئے قومی ایوارڈ سے نوازا ہے۔

اے ایم یو پروفیسر راشد عمر کو سائنسی خدمات کے اعتراف میں قومی ایوارڈ سے نوازا گیا

پروفیسر راشد عمر کے متعدد تحقیقی مضامین مؤقر سائنسی جرائد میں شائع ہو چکے ہیں۔ انہوں نے محکمہ سائنس اور وزارت آبی وسائل کے متعدد پروجیکٹ پر کام کیا ہے اور کئی ریسرچ اسکالروں کی رہنمائی کی ہے۔ اس کے علاوہ زیر زمین آپ کے میدان میں تحقیق کرنے والی کئی بین الاقوامی ایجنسیوں کے ساتھ بھی کام کیا ہے۔