شمال مشرقی دہلی میں 2020 میں ہوئے فرقہ وارانہ فسادات کو آج 2 برس مکمل ہوچکے Two years of Delhi riots ہیں۔ آج ہی کے دن دارالحکومت دہلی میں آزادی کے بعد سب سے بڑا فساد ہوا تھا اس فساد کے دوران 54 افراد کی موت ہوئی تھی جب کہ سینکڑوں افراد زخمی ہوئے تھے۔
ان دو سالوں میں فساد زدگان کی معاشی حالت کے ساتھ ساتھ دماغی توازن بھی خراب ہو چکا ہے، فسادات سے متاثرہ افراد اتنے پریشان ہو چکے ہیں کہ اب ان کے پاس اپنی دکان بیچنے کے علاوہ کوئی دوسرا چارہ نہیں ہے۔
مزید پڑھیں:
اس پورے معاملے میں ای ٹی وی بھارت کے نمائندے نے شمال مشرقی دہلی کے موجپور علاقے میں جاکر ان دکانداروں سے بات کی جن کی دکانیں فسادات میں سب سے پہلے جلائی گئی تھیں حالانکہ دکانداروں نے اس امید پر قرضہ لے کر اپنی دکانوں کو تو از سرِنو تعمیر کرالیا کہ حکومت کی جانب سے جو اعلان اور وعدہ کیا گیا ہے اسے جلد پورا کیا جائے گا لیکن ان کے دلوں پر فسادات کے جو زخم ہیں وہ اب بھی باقی ہیں اور وہ حکومت کی جانب سے امداد کے لیے کیے گئے اعلان پر عمل آوری کی امید لیے انتظار میں ہیں۔
