Army Helicopter Crashes اروناچل پردیش میں آرمی ہیلی کاپٹر گرکر تباہ، دو پائلٹ ہلاک

اروناچل پردیش کے بومڈیلا علاقے میں جمعرات کو آرمی کا چیتا ہیلی کاپٹر گر کر تباہ ہو گیا۔اس واقعے کے بعد علاقے میں سنسنی پھیل گئی۔اس حادثے میں دونوں پائلٹ اور کو پائلٹ کی موت ہوچکی ہے۔بھارتیہ فوج اور مقامی تھانے کی پولیس نے جائے وقوع پر پہنچ کر ہیلی کاپٹر کے ملبے برآمد کرلئے ہیں

بومڈیلا (اروناچل پردیش): ریاست اروناچل پردیش کے بومڈیلا علاقے میں جمعرات کو آرمی کا چیتا ہیلی کاپٹر گرکر تباہ ہو گیا۔ اس واقعے کے بعد علاقے میں سنسنی پھیل گئی۔ بھارتیہ فوج اور مقامی تھانے کی پولیس نے جائے وقوع پر پہنچ کر تلاشی مہم شروع کی۔ گھنٹوں کی تلاشی مہم کے بعد دونوں پائلٹ اور کو پائلٹ کی لاشیں برآمد کی گئی۔ فوج کے ایک ترجمان نے بتایا کہ چیتا ہیلی کاپٹر نے صبح اروناچل پردیش کے بومڈیلا سے اڑان بھری تھی۔ انہوں نے بتایا کہ صبح 9:15 بجے ہیلی کاپٹر کا ائر کنٹرول روم سے رابطہ ٹوٹ گیا۔ ہیلی کاپٹر کے پائلٹ اوت کو پائلٹ کی موت کی تصدیق کی گئی۔

بتایا جا رہا ہے کہ ہیلی کاپٹر مغربی بومڈیلا کے منڈلا کے قریب گر کر تباہ ہو گیا۔ہیلی کاپٹر کا سراغ لگانے کے لئے سرچ ٹیمیں تعینات کر دی گئی ہیں۔جائے وقوع پر تلاشی مہم شروع کی۔اس واقعے میں ہلاک ہونے والے دونوں پائلٹ اور کو پائلٹ کی شناخت لیفٹینٹ کولونل وی وی بی ریڈی اور میجر جینت اے کے طور پر ہوئی ہے۔ اس واقعے کے بعد فوج کے ترجمان نے کہاکہ فوج کی جانب سے اس حادثے کی جانچ کے لئے کورٹ آف انکوائری کا حکم دیا ہے۔پورے معاملے کی تفتیش کی جائے گی۔

غورطلب ہے کہ اکتوبر2022 میں اروناچل پردیش کے تاوانگ میں بھارتی فوج کا چیتک ہیلی کاپٹر پرواز کے دوران گرکر تباہ ہوگیا تھا۔ اس واقعے میں ہیلی کاپٹر کے دو پائلٹ کی موت ہوگئی تھی۔