نئی دہلی: دو موبائل چور گرفتار

پولیس کے ذریعے پکڑے گئے دو موبائل اسنیچرز میں سے ایک نابالغ ہے اور دوسرے پر پہلے سے ہی اسنیچنگ اور دیگر معاملات کے تحت کئی کیسز درج ہیں۔

دارالحکومت دہلی میں دوراکا ناتھ پولیس کے لیے کافی دنوں سے درد سر بنے ہوئے دو موبائل اسنیچرز کو بالآخر گرفتار کر لیا گیا ہے۔

پولیس نے ملزمین کے پاس سے متعدد موبائل فون اور بائک بھی برآمد کیا ہے۔ دوارکا نارتھ پولیس کے ہاتھوں پکڑے گئے ان چوروں میں سے ایک نابالغ ہے اور دوسرے پر چوری اور اسنیچنگ کے متعدد معاملے پہلے سے ہی درج ہیں۔

دوارکا پولیس نے کلیدی ملزم کی شناخت بندا پور کے رہائشی 24 سالہ بھرت راٹھوڑ کے نام سے کی ہے۔

دوران تفتیش ملزم بھرت راٹھور نے اعتراف کیا ہے کہ وہ اپنے ساتھیوں کے ساتھ مل کر دوارکا علاقے میں متعدد افراد کے موبائل اچک لیا کرتا تھا۔

فی الحال یہ افسوس کا مقام ہے کہ اس طرح کی وارداتوں میں اب نابالغ بچے بھی ملوث پائے جانے لگے ہیں جو معاشرہ کے لیے کسی المیہ سے کم نہیں ہے۔