دہلی میں تشدد کے واقعات کے بارے میں سنا ہے: ٹرمپ

امریکی صدر ڈونلڈ ٹرمپ نے کہا کہ انہوں نے دہلی میں تشدد کے بارے میں سنا ہے لیکن ابھی تک وزیر اعظم مودی کے ساتھ اس کے بارے میں بات چیت نہیں کی ہے۔

امریکی صدر ڈونلڈ ٹرمپ نے دہلی میں نمائندوں سے بات چیت میں کہا کہ انہوں نے دہلی میں پیش آئے تشدد کے بارے میں سنا ہے لیکن انہوں نے نریندر مودی کے ساتھ اس کے بارے میں بات چیت نہیں کی کیوںکہ یہ بات صرف بھارت تک محدود ہے۔

انہوں نے کہا کہ 'بھارت میں مذہبی آزادی کے لیے میں نریندر مودی کی تعریف کرتا ہوں'۔

انہوں نے کہا کہ 'ہم نے مذہبی آزادی کے بارے میں بات چیت کی ہے اور مودی چاہتے ہیں کہ لوگوں کو مذہبی آزادی ہو اور بھارت کے لیے انہوں نے مذہبی آزادی پر کافی زور دیا ہے۔'

انہوں نے مزید کہا کہ 'اگر ہم اپنے آس پاس دیکھیں، اس کے بر عکس بھارت میں مذہبی آزادی ہے'۔

دہلی کے شمال مشرقی ضلعوں میں گذشتہ کل سے احتجاج جاری ہے اور ابھی تک پتھراؤ اور جھڑپوں میں 10 افراد ہلاک ہو چکے ہیں جن میں ایک پولیس اہلکار شامل ہے۔

دہلی میں یہ تشدد دو گروہوں کے درمیان جاری ہے، ان میں ایک سی اے اے کی حمایت والے اور دوسرے سی اے اے کی مخالفت