ڈکیتی میں ملوث تین افراد گرفتار

دہلی کے بابا ہریداس نگر میں کار کڈنیپ کرکے لوٹ کے معاملے کو انجام دینے والے تین بدمعاشوں کو اسپیشل ٹاسک فورس نے گرفتار کیا ہے، تینوں بدمعاش جعلی پولیس آفیسر بن کر ڈکیتی کی واردات کا انجام دیتے تھے ۔

نئی دہلی: بابا ہریداس نگر علاقے میں کار سمیت پنجاب کے دو افراد کو کڈنیپ کرکے لوٹ کے معاملے کو انجام دینے والے تین بدمعاش کو اسپیشل ٹاسک فورس نے گرفتار کیا ہے ۔

ڈی سی پی دوارکا اینٹو الفونس نے اس بارے میں جانکاری دیتے ہوئے بتایا کہ 'ان تینوں بدمعاشوں کا منصوبہ دہلی سے باہر کے گاڑی کو لوٹنے کا تھا۔ اس لئے انہوں نے پنجاب کی نمبر پلیٹ کے کار کو نشانہ بنایا اور اس میں سوار دو افراد کو اغوا کرلیا، ڈکیتی کی واردات کو انجام دینے کے بعد، وہ دونوں متاثرین کو دہلی کی سرحد کے قریب چھوڑ کر فرار ہوگیے۔

اس معاملے کی اطلاع پر، انسپکٹر نوین کمار ، سب انسپکٹر ہری سنگھ کی ٹیم نے اے سی پی آپریشن جوگندر سنگھ کی نگرانی میں کئی سی سی ٹی وی فوٹیج کو دیکھنے کے بعد ان تینوں بدمعاشوں کو گرفتار کرنے میں کامیابی حاصل کرلی اور لوٹی ہوئی گاڑی کے ساتھ دیگر سامان برآمد کرلیا ۔