پرنب مکھرجی کی طبیعت میں کوئی سدھارنہیں

سابق صدر جمہوریہ پرنب مکھرجی کی صحت میں منگل کے روز کوئی بہتری نہیں آئی اوران کی حالت اب بھی نازک بتائی جارہی ہے۔

آرمی ہسپتال سے آج صبح جاری ہیلتھ بلیٹن میں بتایا گیا کہ مکھرجی کی حالت اب بھی تشویشناک ہے اور ان پر کڑی نگرانی رکھی جارہی ہے۔

آرمی ریسرچ اینڈ ریفرل ہسپتال دہلی کینٹ کے ہیلتھ بلیٹن میں بتایا گیا ہے کہ پرنب مکھرجی کی حالت میں کوئی تبدیلی نہیں آئی ہے۔ وہ مسلسل وینٹیلیٹر پر ہیں جبکہ ان کے جسم کے تمام بڑے اعضاء معمول کے مطابق کام کر رہے ہیں۔

84 سالہ پرنب مکھرجی کی طبیعت خراب ہونے کے بعد 10 اگست کو آرمی کے ریسرچ اینڈ ریفرل ہسپتال میں داخل کرایا گیا تھا۔ ان کے دماغ میں خون کے تھکا کو ختم کرنے کے لئے آپریشن کیا گیا تھا۔

اس سے قبل سابق صدر کورونا پازیٹو بھی پائے گئے تھے۔