ویر ساورکر کے مجسمے پر جوتوں کا ہار اور سیاہی پوتی گئی

کانگریس کی طلبا یونین این ایس یو آئی دہلی یونیورسٹی میں آرٹس فیکلٹی میں شہید بھگت سنگھ، سبھاش چندر بوس کے مجسمے کے ساتھ ویر ساورکر کا مجسمہ لگانے پر این ایس یو آئی شروع سے ہی احتجاج کر رہی ہے۔

اسی دوران این ایس یو آئی کے دہلی کے ریاستی صدر اکشے لاکڑا اور کارکنوں نے بدھ کی شب ویر ساورکر کے مجسمے پر جوتے کا ہار پہنایا اور سیاہی پوت دی۔

اس دوران سکیورٹی اہلکاروں نے اسے انہیں کرنے سے روکنے کی کوشش کی جس پر سکیورٹی اہلکاروں اور کارکنوں کے مابین تصادم بھی ہوا۔ اس دوران کارکنوں نے بھگت سنگھ اور نیتا جی سبھاش چندر بوس امر رہیں کے نعرے بھی لگائے۔

اس پورے واقعے کو لے کر این ایس یو آئی دہلی پردیش کے صدر اکشے لاکڑا نے کہا کہ دہلی یونیورسٹی ہماری اور آپ کی ہے نہ کہ کسی اور کی۔ شہید بھگت سنگھ اور نیتاجی سبھاش چندر بوس کی آڑ میں ساورکر کو ہیرو قرار دینے کی کوشش کی جارہی ہے جبکہ ساورکر جن سنگھ کے خادم اور ملک سے غداری کرنے والوں میں سے تھے۔ انہوں نے فرنگیوں سے معافی بھی مانگی تھی اور آزادی میں ان کا کوئی رول بھی نہیں تھا۔

لاکڑا نے بتایا کہ یونیورسٹی میں اے بی وی پی کا تغلقی فرمان چل رہا ہے۔ مجسمہ انتظامیہ کی اجازت کے بغیر کھڑا کیا گیا تھا اور انتظامیہ گذشتہ 24 گھنٹوں سے تماشا دیکھ رہی تھی، جس کی وجہ سے مجھے یہ قدم اٹھانا پڑا۔ انہوں نے کہا کہ ایسے لوگوں کے مجسمہ کو نیتا جی سبھاش چندر بوس اور شہید بھگت سنگھ کے مجسمہ سے منسلک کیا جاتا ہے اور انتظامیہ صرف تماشا دیکھتا ہے۔

اس کے علاوہ اس نے کہا کہ ایسا معلوم ہوتا ہے کہ یونیورسٹی اے بی وی پی کے کہنے پر چل رہی ہے۔

بتادیں کہ دہلی یونیورسٹی طلباء یونین کے صدر شکتی سنگھ نے اپنے دور اقتدار کے آخری دن آرٹس فیکلٹی کے مین گیٹ پر سبھاش چندر بوس، شہید بھگت سنگھ اور ویر ساورکر کا مجسمہ لگایا تھا جس کے بعد احتجاج شروع ہوگیا۔ معلوم ہو کہ مجسمہ انتظامیہ کی اجازت کے بغیر راتوں رات لگا دیا گیا تھا۔