'ہم نے چٹکی بجاکر تین طلاق کو ختم کردیا'

وزیر دفاع اور بھارتیہ جنتا پارٹی ( بی جے پی) کے سنیئر رہنما راج ناتھ سنگھ نے آج کہا کہ' بی جے پی نے جو کہاوہ کرکے دکھایا ہے'۔

راج ناتھ سنگھ نے جھارکھنڈ کے وشرام پور ریاستی وزیر صحت رام چندر چندرونشی کے حق میں اجلاس کو خطاب کرتے ہوئے کہا کہ' بی جے پی نے جو کہا وہ کیا ہے ۔ اب پورے ملک میں ایک ہی آئین ہوگا'۔

بی جے پی نے جو کہا وہ کیا : راج ناتھ

انہوں نے کہا کہ' جموں۔ کشمیر سمیت پورے ملک میں ایک ہی آئین ہوگا۔ ایودھیاکی زمین پر اب عظیم الشان رام مندر بنے گا۔ ہم نے چٹکی بجاکر تین طلاق کوختم کردیا'۔

وزیر دفاع نے کہا کہ' نکسلی سرگرمیوں سے کافی راحت ملی ہے ۔ انتخاب میں نکسلیوں کی حرکتیں تھوڑی بڑھی ہیں۔ لیکن قمیض کی بٹن کھول کر بندوق لیکر چلنے کی اجازت نہیں دی جائے گی۔ انہوں نے نکسلیوں کو اپنی حرکتوں سے باز آنے کو کہا'۔