چیف جسٹس شرد اروند بوبڈے کی صدارت والی بنچ نے عرضی گزار کو متعلقہ ہائی کورٹوں کے سامنے اپنی فریاد لے جانے کی ہدایت دی اور عرضی کا تصفیہ کردیا۔
انڈین انسٹی ٹیوٹ آف مینجمنٹ، احمد آباد کے سابق ڈین جگدیپ ایس چھوکر کی جانب سے معروف وکیل پرشانت بھوشن نے جرح کرتے ہوئے جیلوں میں بھیڑ کم کرنے کے ردعمل سے متعلق اسٹیٹس رپورٹ ریاستوں سے منگوانے کی عدالت سے درخواست کی۔
لیکن بنچ نے ان کی دلیلوں پر خصوصی توجہ نہیں دی۔
واضح رہے کہ گزشتہ 23 مارچ کو جسٹس بوبڈے ، جسٹس ایل ناگیشور راؤ اور جسٹس سوریہ کانت کی بنچ نے کورونا کے پیش نظر جیلوں میں بھیڑ کم کرنے سے متعلق از خود نوٹس لیا تھا اور ریاستی حکومتوں سے اعلی افسران کی کمیٹی تشکیل دینے کے لئے کہا تھا، جسے سات سال سے کم سزا والے معاملوں میں عبوری ضمانت یا پیرول کا تعین کرنا تھا۔