اسپورٹس کمپلیکس کا مفت استعمال کی اجازت

فٹ انڈیا مہم کو نئی رفتار فراہم کرانے کے لئے کھیل اور نوجوانوں کے امور کی وزارت نے یکم نومبر 2019 سے قومی اور ریاستی سطح کے تمام کھیل تنظیموں اور کلب کو مرکزی حکومت کی جانب سے دستیاب کرائے گئے اسپورٹس کمپلیکس کا مفت استعمال کرنے کی اجازت دینے کا فیصلہ کیا ہے۔

یہ خصوصیت اسپپورٹس اتھارٹی آف انڈیا کے مراکز میں منعقد نہیں ہونے والے کھیلوں کے مقابلوں میں حصہ لینے والے کھیل تربیت کاروں اور ٹرینی کھلاڑیوں کو بھی دستیاب ہو گی۔ حکومت نے یہ فیصلہ اس سوچ کے ساتھ لیا ہے کہ کھیلوں کی سہولیات تک رسائی سب کو حاصل ہو سکے تاکہ کھیل ثقافت کے ذریعے جسمانی صحت ٹھیک رکھنا ہندستان کی عام زندگی کا حصہ بن سکے۔

ابتدائی مرحلے میں دہلی کے جواہر لال نہرو اسٹیڈیم، اندرا گاندھی اسٹیڈیم، میجر دھیان چند نیشنل اسٹیڈیم اور ڈاکٹر كرني سنگھ شوٹنگ رینج کو ریاست اور مرکز کی سطح کی کھیل تنظیموں کے لئے کھول دیا جائے گا تاکہ وہ ان جگہوں میں تمام طرح کے کھیل مقابلوں اور ٹورنامنٹ منعقد کر سکیں ۔ کمپلیکس کے استعمال کے لئے ان لوگوں سے کوئی فیس نہیں لی جائے گی۔

کھیلوں کی سہولیات سے متعلق یہ نئی پالیسی غیر ایس ای آئی کھیل تربیت کاروں کو بغیر کسی فیس کے سرکاری اسٹیڈیم میں اپنے کھلاڑیوں کو تربیت دینے کی اجازت دے گی، بشرطیکہ تربیت حاصل کرنے والے کھلاڑیوں کی تعداد کم از کم دس ہو۔