وقف اراضی اور قبرستانوں کو انتخابی موضوع بنانے والا امیدوار

قومی دارالحکومت دہلی میں عام انتخابات 2019 کی ہلچل کے دوران مختلف سیاسی پارٹیوں کے ذریعے الگ الگ معاملات اٹھائے جارہے ہیں لیکن مسلمانوں سے وابستہ مسائل اب تک کسی بھی پارٹی کے پیش نظر نہیں ہے۔

لیکن اس الیکشن میں دہلی میں ایسا امیدوار بھی ہے جس نے وقف اراضی اور قبرستانوں کے مسائل کو اپنا انتخابی موضوع بنایا ہے۔

ایڈووکیٹ شاہد علی بہوجن سماج پارٹی سے چاندنی چوک لوک سبھا حلقہ کے امیدوار ہیں۔

ای ٹی بھارت سے بات کرتے ہوئے انہوں نے دلتوں اور مسلمانوں کے مسائل پر اظہار خیال کیا اور کہا کہ ان کے لیے وقف اراضی اور قبرستان بڑا ایشو ہے۔