دارالحکومت دہلی میں اے ٹی ایم میں لوٹ کے واقعات کو روکنے کے لئے دوارکا پولیس کے ذریعہ نائٹ پٹرولنگ ٹیم کو تعینات کردیا گیا ہے۔ اس سلسلے میں دوارکا کے ایڈیشنل ڈی سی پی آر پی مینا نے بتایا کہ ضلع کے تمام اے ٹی ایم کا سیکیورٹی آڈٹ اے ٹی ایم ڈکیتی کے پیش نظر کیا گیا تھا۔
ضلع دوارکا کی پیٹرولنگ ٹیم کو ہدایت کی گئی ہے کہ وہ ہر اے ٹی ایم کو روزانہ چیک کریں۔ اسی کے ساتھ ہی اے ٹی ایم میں موجود رجسٹر پر دستخط کرکے اس بات کی تصدیق ہوجائے گی کہ وہ لوگ یہاں چیکنگ کے لئے آئے تھے۔
آر پی مینا نے بتایا کہ اس کے ساتھ ہی اے ٹی ایم میں موجود گارڈز کو بھی آگاہ کیا گیا ہے، تاکہ یہ لوگ سوئے نہیں اور اے ٹی ایم کو محفوظ رکھنے میں اپنا کردار ادا کرسکیں۔ اس کے علاوہ تمام بینک منیجروں سے ملاقات کے بعد انہیں سی سی ٹی وی اور الارم جیسے حفاظتی گیجٹ نصب کرنے کی بھی ہدایت دی گئی۔
ایڈیشنل ڈی سی پی نے بتایا کہ پولیس زیادہ تر دیہی علاقوں کے اے ٹی ایم پر توجہ مرکوز کررہی ہے۔ لوٹ مار اور نقدی چوری کے بہت سے واقعات ہوئے ہیں۔ اس کارروائی کی وجہ سے اے ٹی ایم میں لوٹ مار کے واقعات میں بھی کمی آئی ہے۔