سریندر ناگر نے استعفی دیا

لوک سبھا انتخابات میں شکست کے بعد سماج وادی پارٹی کو ایک اور دھچکہ لگا ہے۔ پارٹی کے راجیہ سبھا رکن سریندر سنگھ ناگر نے ایس پی کی رکنیت اور رکن پارلیمان کے عہدے سے استعفی دے دیا ہے۔

ایسی قیاس آرائیاں کی جا رہی ہیں کہ سریندر سنگھ ناگر بی جے پی میں شامل ہو سکتے ہیں۔
راجیہ سبھا چیئرمین ایم وینکیا نايوڈ نے سریندر سنگھ ناگر کا استعفی منظور کر لیا ہے۔
واضح رہے کہ سریندر سنگھ ناگر، لوک سبھا حلقہ گوتم بودھ نگر سے انتخاب ہار چکے ہیں جبکہ 15 ویں لوک سبھا کے لیے انہوں نے سماج وادی پارٹی کے ٹکٹ پر گوتم بودھ نگر سے کامیابی حاصل کی تھی۔
اس سے قبل وہ دو بار اتر پردیش اسمبلی میں سماج وادی پارٹی کے رکن اسمبلی بھی رہ چکے ہیں۔
قبل ازیں وہ بہوجن سماج وادی پارٹی میں تھے جہاں انہوں نے 2004 میں گوتم بودھ نگر کے موجودہ رکن پارلیمنٹ مہیش شرما کو شکست دی تھی۔
قیاس کیا جارہا ہے کہ سریندر سنگھ جلد بی جے پی صدر سے ملاقات کریں گے اور پارٹی میں شامل ہوجائیں گے۔