ہنس راج بھاردواج کے انتقال پر سونیا گاندھی کا اظہار تعزیت

کانگریس صدر سونیا گاندھی نے سابق مرکزی وزیر قانون ہنس راج بھاردواج کے انتقال پر گہرے رنج و غم کا اظہار کیا ہے۔

سونیا گاندھی نے پیر کو ایک ٹوئٹ میں کہا کہ 'بھاردواج کے انتقال سے انہیں گہرا دکھ پہنچا ہے۔

انہوں نے کہا کہ ایک رہنما اور وزیر قانون کےطور پر ان کی خدمات کو طویل عرصے تک یاد رکھا جائے گا۔

انهوں نے کہا 'میری تعزیت بھاردواج کے اہل خانہ اور ان کے دوستوں کے ساتھ ہیں۔ ایشور ان کی آتما کو شانتی دے۔'

واضح رہے کہ بھاردواج کا انتقال اتوار کو ہوا تھا۔ وہ کرناٹک کے گورنر بھی رہے تھے۔