کورونا وائرس کی وجہ سے ششی گارڈن سیل

قومی دارالحکومت دہلی کے ششی گارڈن میں کورونا وائرس سے متاثرہ لڑکی کی شناخت کے بعد علاقے کو سیل کر دیا گیا ہے۔

طبی ماہرین کے مطابق کورونا وائرس کا پھیلائو روکنے کے لیے معاشرتی دوری کے فارمولے پر سختی سے عمل درآمد ہی عوام کو مہلک بیماری سے بچا سکتا ہے۔

معاشرتی دوری میں بے احتیاطی وائرس کے خوفناک پھیلاؤ اور انسانی جانوں کے ضیاع کا سبب بن رہا ہے۔

مشرقی دہلی کے ششی گارڈن کی کچی آبادی ’مہاتما گاندھی کیمپ‘ میں 16 سالہ لڑکی میں کورونا کی تصدیق کے بعد انتظامیہ نے اس علاقے کو سیل کر دیا ہے۔

اس کے ساتھ ہی لڑکی کے پورے اہل خانہ کو قرنطینہ مرکز میں منتقل کر دیا گیا ہے۔

حکومت نے لاک ڈاؤن میں کسی حد تک نرمی کی ہے تاہم اس علاقے کی عوام میں احتیاطی تدابیر نہیں دکھائی دے رہی ہے۔

سماجی کارکنان نے اپیل کی ہے کہ مقامی افراد کو چاہئے کو وہ حکومت کے گائیڈ لائن کے مطابق عمل کریں۔ غیر ضروری طور پر ادھر ادھر نہ جائیں۔ اس کے علاوہ اگر ضرورت پڑے تو وہ ماسک لگاکر باہر جائیں، تاکہ کورونا وائرس پر قابو پایا جا سکے۔