شاہین باغ مظاہرہ: بھائی چارہ اور یکجہتی اب بھی برقرار

قومی دارالحکومت دہلی کے شاہین باغ میں سی اے اے کے خلاف مظاہرہ کر رہی خواتین نے غیر مسلم شخص کے جلوس جنازہ کے لیے راستہ دے کر انسانیت کی مثال پیش کی۔

تقریباً دو ماہ سے جاری شاہین باغ خواتین مظاہرہ ہر روز کسی نا کسی بات کو لے کر موضوع بحث ہے اور اس مرتبہ ان مظاہرین نے انسانیت کی نئی مثال پیش کی۔

دراصل شاہین باغ سے ایک غیر مسلم کا جنازہ گزرنے والا تھا لیکن مظاہرے کی وجہ سے راستہ بند تھا تاہم مظاہرین نے جلوس جنازہ کے لیے راستہ کھولنے کا فیصلہ کیا جس کے بعد وہاں سے جلوس جنازہ بآسانی گزر گیا۔

اس پر تبصرہ کرتے ہوئے ایک خاتون نے کہا کہ 'ہم تمام مذاہب کا احترام کرتے ہیں اور شیو یاترا (جنازے کے جلوس) کے لیے راستہ دے کر ہم نے کوئی بڑا کام نہیں کیا بلکہ یہ ہمارا فرض تھا۔

بشکریہ ٹویٹر

انہوں نے کہا کہ 'ہم اسکولی بسیں اور ایمبولینس کو بھی راستہ دے رہے ہیں۔