آج شاہجہانی جامع مسجد کے امام احمد بخاری نے نماز جمعہ کے دوران اپنے بیان میں کہا کہ دہلی کی کسی بھی مسجد میں اذان پر پابندی عائد نہیں کی گئی ہے۔
انہوں نے بتایا کہ یہ اطلاعات ملی تھی کہ پریم نگر میں دو پولیس اہلکاروں نے ایک مسجد میں اذان دینے پر لیفٹیننٹ گورنر کے حکم کا حوالہ دیتے ہوئے کہا تھا کہ اب اذان پر پابندی عائد کی گئی ہے اس لیے اذان نہ دی جائے۔
امام احمد بخاری نے بتایا کہ میں نے اس سے متعلق بات کی تو معلوم ہوا کہ ایسا کوئی بھی حکم جاری نہیں کیا گیا اس لیے گھبرائیں نہیں۔
قابل ذکر ہے کہ ماہ صیام کی آمد سے قبل سوشل میڈیا پر ایک ویڈیو وائرل ہونے کے بعد مسلم حلقوں میں بے چینی دیکھنے کو ملی تھی۔
تاہم اب یہ صاف ہو گیا ہے کہ نہ تو دہلی پولیس کی جانب سے اور نہ ہی لیفٹیننٹ گورنر انل بیجل کی جانب سے ایسا کوئی بھی حکم نہیں دیا گیا۔