امسال محرم اور گنیش وسرجن ایک ساتھ ہونے کی وجہ سے محکمہ پولس اور تعزیہ کمیٹی نے موثر انتظامات کیے ہیں۔اور عوام سے قومی ایکتا اور بھائی چارے کے ساتھ دونوں تہوار منانے کی اپیل بھی کر رہے ہیں۔
احمدآباد میں یوم عاشورہ کے روز شہر کے مختلف علاقوں سے تعزیوں کا جلوس گھوم کر احمدآباد کی 'سیدی سید کی جالی والی مسجد' پر رکے گا اور وہاں جگن ناتھ مندر کے مہنت ہری جھنڈی دکھا کر اس جلوس کا استقبال کریں گے۔
اس موقع پر سب سے بہترین تعزیہ کو ایوارڈ سے بھی نوازہ جائے گا۔
اس سلسلے میں تعزیہ کمیٹی کے چیرمین پرویز مومن نے کہا کہ گنیش وسرجن اور محرم کے جلوس نکالتے ہوئے کسی طرح کی دقت نہ ہواس لیے پولس نے بہتر انتطام کیا ہے اور ساتھ ہی ساتھ برادران وطن نے بھی جلوس کے روڈ پر امن و امان قائم رکھنے کے لیے پوری تیاری کی ہے۔
انہوں نے کہا اس بار جلوس میں 93 تعزیہ،24 اکھاڑے،78 ڈھول پارٹی،24 ٹرک،7 اونٹ گاڑی،14 نشان پارٹی،10 ماتمی دستہ کو شامل کیا جائے گا اور اس سب کی حفاظت کے لیے احمدآباد میونسپل کارپوریشن اور پولس اہلکار کی بڑی ٹیم ہر راستے پر موجود رہے گی۔