ایس ڈی ایم سی کا دہلی میں کووڈ پارک بنائے کا منصوبہ

کارپوریشن میں اسٹینڈنگ کمیٹی کے چیئرمین بھوپندر گپتا نے کہا کہ کورونا سے لڑنے کے لئے ابھی تک کوئی دوا نہیں بنائی گئی لہذا ہم لوگوں کی امیونٹی بڑھانے کے لیے کام کر رہے ہیں۔

کورونا کے بڑھتے ہوئے انفیکشن کے پیش نظرساؤتھ ایم سی ڈی اپنے دائرہ اختیار میں آنے والے علاقوں میں کووڈ پارک بنانے کا منصوبہ بنا رہی ہے۔ اس پارک میں آیورویدک دوا کے درخت لگائے جائیں گے۔ اس کے ساتھ ساتھ لوگوں کی قوت مدافعت بڑھانے کے لئے کاڑھے بھی بنائے جائیں گے۔ کارپوریشن کا محکمہ باغبانی اس اسکیم کو عملی جامہ پہنانے میں مصروف ہے۔

کارپوریشن میں اسٹینڈنگ کمیٹی کے چیئرمین بھوپندر گپتا نے کہا کہ چونکہ کورونا سے لڑنے کے لئے کوئی دوا نہیں بنائی گئی لہذا ہم لوگوں کی امیونٹی بڑھانے کے لئے کام کر رہے ہیں۔ محکمہ ہارٹیکلچر نیم، تلسی، گلوئی، سونٹھ وغیرہ جیسی چیزوں کے درخت لگا کر کووڈ پارک بنائیں گے۔

ان پارکوں میں آیورویدک جڑی بوٹیاں بھری ہوں گی۔ تو وہیں کارپوریشن کے ایک عہدیدار نے بتایا کہ اس کے منصوبے کا پورا روڈ میپ تیار کرلیا گیا ہے۔ اس میں زیادہ لاگت نہیں آئے گی، لیکن صرف پہلے سے موجود چیزوں کو ہی استعمال کیا جائے گا۔ حالانکہ اس کے فوائد بہت زیادہ ہوں گے۔