خواتین آئی پی ایس افسران پر ناشائستہ تبصرہ؟

یوٹی کیڈر کی دو خواتین آئی پی ایس افسران پر نا شائستہ تبصرہ کرنا ایک خاتون کو مہنگا پڑ ا۔

آئی پی ایس افسران کی شکایت پر ایف آئی آر درج کر اس خاتون کو سائبر سیل نے گرفتار کر لیا ہے لیکن قابل ضمانت جرم کے سبب اسے بعد میں رہا کر دیا گیا۔ سائبر سیل کے ذریعہ اس معاملے کی مزید تفتیش کی جا رہی ہے۔

معلومات کے مطابق کچھ دن قبل نیم فوجی دستہ کے جوانوں کی جانب سے آئی پی ایس افسران کے ساتھ سوشل میڈیا پر ایک پوسٹ ڈالی گئی تھی۔ اس پوسٹ کے حوالے سے پیرا ملٹری فورس اور آئی پی ایس افسران کی جانب سے بڑی تعداد میں ٹویٹس کیا جارہا ہیں۔ اسی دوران کسی نے ٹویٹر پر یوٹی کیڈر کی دو خواتین آئی پی ایس افسران کے بارے میں نا شائستہ تبصرہ کیا۔ اس بارے میں خواتین پولیس افسران کے ذریعہ سائبر سیل میں ایف آئی آر درج کی گئی تھی۔ اس سلسلے میں آئی ٹی ایکٹ کی دفعہ 67 اور آئی پی سی کی دفعہ 509 کے تحت ایف آئی آر درج کی گئی۔

اس معاملے کی تفتیش کے دوران سائبر سیل نے ٹویٹر ہینڈل کے بارے میں معلومات جمع کی۔ اس کی مدد سے اس نے ایک ایسی خاتون کو گرفتار کیا جس پر الزام لگایا گیا ہے کہ وہ قابل اعتراض ٹویٹس کرتی تھیں۔ یہ خاتون یوپی ایس سی کی تیاری کر رہی تھی لیکن اس کا سلیکشن نہیں ہوا۔

اس نے پولیس کو بتایا کہ ٹویٹر پر جاری بحث کے دوران اس خواتین آئی پی ایس افسران کے بارے میں یہ نا شائستہ تبصرہ کیا تھا۔ وہیں پولیس نے خاتون کو ضمانت پر رہا کر دیا ہے۔