انکت گلاٹی پر الزام ہے کہ اس نے رائے سینا روڈ پر اپنی تیز رفتار کار سے ایک اسکوٹر سوار کو زور دار ٹکر مارکر ہلاک کردیا تھا۔
ملزم کو گرفتار کرنے کے لیے پولیس نے دہلی کے تقریبأ 22 ہزار گاڑیوں کے نمبر چیک کیا جس میں پولیس کوتقریباً پانچ دن لگ گئے کیونکہ فوٹیج میں گاڑی کا نمبر صاف نظر نہیں آرہا تھا، کمپیوٹرتکنیک کی مدد سے ملزم کو گرفتار کیا گیا۔
اس واقعہ کی سی سی ٹی وی فوٹیج میں بھی واضح طور پر نظر آرہا ہے کہ تیز رفتار کار نے اسکوٹر سوار کو ٹکر ماردی۔ پولیس کو موقع سے گاڑی کا ٹکڑا برآمد ہوا تھا جس کی مدد سے ملزم کی تلاش شروع کی گئی تھی۔
گرفتار شدہ ملزم آر جے انکت گلاٹی پیشے سے ایک ایف ایم چینل میں آر جے ہے، جو حادثے کے وقت ایک پانچ ستارہ ہوٹل سے پارٹی کرے واپس اپنے گھر لوٹ رہا تھا۔
اس حادثہ میں ہلاک ہونے والے کی شناخت دھیرج کے طور پر ہوئی ہے جو کہ جن شکتی پارٹی کا کارکن بتایا جارہا ہے۔ اس تعلق سے سنسد مارگ تھانے میں ملزم کے خلاف ہٹ اینڈ رن کا کیس درج کرایا گیا تھا۔
