'راہل گاندھی کو پارٹی کی کمان سنبھال لینی چاہیے'

کانگریس کے سینیئر رہنما ادت راج نے کہا کہ کانگریس کے قومی صدر کے لیے راہل گاندھی سب سے موزوں ہیں، انہوں نے جیوتی رادتیہ سندھیا کی بی جے پی میں شمولیت پر تنقید بھی کی۔

ادت راج نے کہا کہ راہل گاندھی کو دوبارہ پارٹی کی باگ ڈور سنبھالنی چاہیے کیوں کہ اس وقت پارٹی شدید بحران کا شکار ہے۔

انہوں نے سندھیا کے بی جے پی میں شامل ہونے پر سخت تنقید کرتے ہوئے کہا کہ ' یہ راجے رجواڑے انتظار نہیں کر سکتے؟

ادت راج نے کہا کہ جیوتی رادتیہ سندھیا اپنے 17 سالہ سیاسی سفر میں کانگریس کے ٹکٹ پر ہی رکن پارلیمان رہے جبکہ ابھی تک وہ پارٹی کے جنرل سکریٹری بھی تھے لیکن رابطے کی کمی کی وجہ سے یا پھر ان کے کسی مطالبے کے پورا نا ہونے پر وہ پارٹی چھوڑ کر چلے گئے۔

انہوں نے کہا کہ سندھیا پچھلے 17 برسوں سے کانگریس کے ساتھ ہیں لیکن آج انہیں اپنا فائدہ نہیں نہیں دکھائی تو انہوں نے کانگریس چھوڑ کر بی جے پی جوائن کر لی۔