راہل کی ملک کے شہریوں سے کسان تحریک سے جڑنے کی اپیل

کانگریس کے سابق صدر راہل گاندھی نے ملک کے شہریوں سے کسان تحریک سے جڑنے کی اپیل کی ہے اور کسان تحریک کو آگے بڑھانے میں ان کا ساتھ دینے کی بات کہی ہے۔

کانگریس کے سابق صدر و رکن پارلیمان راہل گاندھی نے کہا کہ ملک کا کسان زرعی قوانین کو مسترد کرانے کے لیے احتجاج کر رہا ہے۔ اس لیے ہر شہری کو ان سے جڑ کر ان کا ساتھ دینا چاہئے۔

کانگریس کے سابق صدر راہل گاندھی

مسٹر گاندھی نے آج کہا کہ ملک بھر کا کسان دہلی کی سرحدوں پر احتجاج کر رہا ہے۔ کسانوں کی حمایت کر رہا ہے، اس لیے سب کو مل کر ان کی اس تحریک کو آگے بڑھانے میں ان کا ساتھ دینا چاہئے اور ان کی آواز بلند کرنا چاہئے۔

انہوں نے کہا کہ 'پُرامن تحریک جمہوریت کا ایک لازمی جزو ہوتا ہے۔ ہمارے کسان بہن بھائی جو تحریک چلا رہے ہیں، اسے پورے ملک سے حمایت مل رہی ہے۔ آپ بھی ان کی حمایت میں آواز جوڑ کر اس جدوجہد کو آگے بڑھائیں تاکہ زراعت مخالف قوانین ختم ہوں۔ کسانوں کے لیے بولے بھارت'۔

یو این آئی