دہلی: شہریت ترمیمی بل کو خارج کرنے کا مطالبہ

دارالحکومت دہلی میں شہریت ترمیمی بل کے خلاف احتجاج کرتے ہوئے مظاہرین نے بل کو واپس لینے کا مطالبہ کیا۔

خبروں کے مطابق آئندہ ہفتہ تک شہریت ترمیمی بل پارلیمنٹ میں لائے جانے کی امید ظاہر کی جا رہی ہے، جسے کابینہ کی جانب سے منظوری بھی مل گئی ہے۔

پارلیمنٹ میں پیش کرنے سے قبل دہلی میں بل کے خلاف زبردست احتجاجی مظاہرہ کیا گیا۔

ممتاز سماجی تنظیم انڈیا اگینسٹ ہیٹ، جے این یو کے طلبا اور دیگر سماجی تنظیموں نے جنتر منتر پر آکر اس بل کے خلاف احتجاج کیا اور این آر سی کو خارج کرنے کا اعلان کیا۔ مظاہرین نے کہا کہ شہریت ترمیمی بل آئین کی خلاف ہے۔'

یہ بل آئین کی دفعہ 14 کے خلاف ہے جس میں سبھی مذاہب کے لوگوں کو مساوات کا حق دیا گیا ہے اور اس بل میں اقلیتوں خاص کر مسلمانوں کو نظر انداز کیا گیا اور کہا گیا کہ مسلمانوں کو شہریت نہیں دی جائے گی۔ یہ سراسر غلط ہے ہم اس کی مخالفت کرتے ہیں۔'۔