مین ورسس وائلڈ کے پروگرام میں مودی نظر آئے

ریاست اتراکھنڈ کے جم کاربیٹ نیشنل پارک کے جنگلوں میں فلمایا گیا ڈسکوری چینل کا خاص پروگرام 'مین ورسس وائلڈ ویتھ بیئر گرلس اینڈ پرائم منسٹر نریندر مودی' کل رات کو نشر ہو گیا۔

وزیراعظم نریندر مودی اور بیئر گرلس دونوں اتراکھنڈ کے جم کاربیٹ کے جنگلوں میں ٹھنڈ اور بارش کی مشکلات کا سامنا کرتے ہوئے نظر آئے۔
گرلس کا کہنا ہے کہ وزیراعظم نریندر مودی بے حد پر جوش اور باہمت شخص ہیں۔
پروگرام کے دوران گرلس نے مودی سے کہا کہ آپ بھارت کی سب سے اہم ترین شخصیت ہیں اور میرا کام آپ کو زندہ رکھنا ہے۔
پروگرام میں مودی نے کہا کہ لوگوں کے خواب پورے کرنے سے خوشی ملتی ہے۔ میری پوری توجہ ترقی پر ہے۔
ایک سوال کے جواب میں وزیراعظم نے کہا کہ 'مجھے کرسی کا نشہ کبھی نہیں تھا۔'
واضح رہے کہ گرلس کے پروگرام میں پہلے بھی عظیم شخصیت بطور مہمان حصہ لے چکی ہیں۔ اس سے پہلے گرلس امریکہ کے صدر براک اوبامہ کے ساتھ پروگرام کر چکے ہیں۔