ریستوراں پر پولیس کا چھاپہ، منیجر گرفتار

ایس پی سٹی غازی آباد ابھیشیک ورما کو اطلاع ملی کہ کوشمبی کے ایک مال میں واقع نو رولس ریستوراں اور بار میں بڑی تعداد میں نوجوان لڑکے لڑکیاں جمع ہیں اور شراب و حقہ پی رہے ہیں۔

ریاست اتر پردیش کے شہر غازی آباد کے کوشمبی کے ایک مال میں نو رولس ریستوراں اینڈ بار پر پولیس اور انتظامیہ نے دیر رات مشترکہ چھاپہ مار کر غیر قانونی طریقے سے شراب نوشی اور حقہ پینے کی پاداش میں منیجر سمیت 50 نوجوانوں کو گرفتار کرلیا۔ گرفتار کیے گئے نوجوان، مرد، خواتین اور عملہ پر کووڈ ایکٹ، وبائی مرض ایکٹ اور دیگر دفعات میں مقدمہ درج کیا گیا ہے۔
ایس پی سٹی ابھیشیک ورما کو اطلاع ملی کہ وشمبی کے ایک مال میں واقع نو رولس ریستوراں اور بار میں بڑی تعداد میں نوجوان لڑکے لڑکیاں جمع ہیں اور شراب و حقہ پی رہے ہیں۔ ایڈیشنل ڈسٹرکٹ مجسٹریٹ سٹی شیلندر سنگھ اور ابھیشیک ورما نے پولیس ٹیم کے ہمراہ رات کو ہی ریستوراں میں چھاپہ مارا۔

ریستوراں پر پولیس کا چھاپہ، منیجر گرفتار

ریستوراں میں دھواں ہی دھواں پھیلا ہوا تھا۔ نوجوان مرد اور خواتین شراب پی رہے تھے۔ وہاں سماجی فاصلے کی خلاف ورزی ہو رہی تھی۔ پولیس نے ریستوراں میں موجود آپریٹر، منیجر، عملہ، 15 لڑکیوں سمیت مجموعی طور پر 50 افراد کو حراست میں لے لیا۔

ابھیشیک ورما نے بتایا ہے کہ 'ریستوراں میں غیر قانونی طور پر شراب پیش کی جارہی تھی۔ پابندی کے باوجود حقہ کا استعمال ہو رہا تھا۔ کووڈ ۔19 قوانین کی خلاف ورزی کی جارہی تھی۔ انہوں نے کہا ہے کہ 'ریستوراں کا لائسنس منسوخ کیا جارہا ہے۔