شراب کی دوکان پر سماجی دوری قائم نہیں کرنے پر پولیس نے لاٹھی چارج کیا

لاک ڈاؤن 3.0 میں شراب کی دکان کھولنے کا اعلان کیا گیا ہے۔ دہلی کے کشمیری گیٹ پر شراب لینے کے لیے لگی لمبی لائن کے دوران سماجی دوری کو قائم کرنے کے لیے پولیس کو لاٹھی چارج کرنا پڑا۔

شراب کی دکانیں کھلنے کے بعد شراب نوشی کرنے والوں میں خوشی دیکھنے کو ملی۔ آج دکان کھلتے ہی شراب لینے کے لیے لمبی قطار لگ گئی۔

اس لمبی لائن میں لگے لوگ سماجی دوری کا خیال نہیں رکھ رہے تھے۔ کشمیری گیٹ پر تقریباً دو کلو میٹر کی لمبی لائن لگ گئی، جہاں سوشل ڈسٹنسنگ کے خلاف ورزی ہونے پر پولیس نے لاٹھی چارج کیا۔

لائن میں لگے لوگوں کو وہاں سے بھگا دیا۔ جس کے بعد پولیس نے شراب کے ٹھیکے کو بند کر دیا۔