نوئیڈا: کووڈ 19 پروٹوکول کی خلاف ورزی پر پولیس سخت

کورونا گائیڈ لائن کی خلاف ورزی کرنے والوں کے خلاف سخت کاروائی کے ساتھ جرمانہ بھی عائد کیا جا رہا ہے۔ پولیس کمشنر آلوک سنگھ نے سبھی تھانہ حلقوں میں پی سی آر، مائک موبائل جیپ، پیدل گشت ٹیم اور پولیس افسران کو الرٹ رہنے کا حکم دیا ہے۔

قومی دارالحکومت دہلی سے متصل نوئیڈا اور این سی آر میں کووڈ 19 کے بڑھتے ہوئے کیسز کو دیکھتے ہوئے پولیس نے سختی برتنی شروع کر دی ہے۔ پولیس کمشنر آلوک سنگھ نے سبھی تھانہ حلقوں میں پی سی آر، مائک موبائل جیپ، پیدل گشت ٹیم اور پولیس افسران کو الرٹ رہنے کا حکم دیا ہے۔

علاقے میں کووڈ گائیڈ لائن، دو گز کی سماجی دوری اور کرفیو کے بارے میں مسلسل اناؤنس کیا جا رہا ہے۔ کورونا گائیڈ لائن کی خلاف ورزی کرنے والوں کے خلاف سخت کاروائی کے ساتھ جرمانہ بھی عائد کیا جا رہا ہے۔

نائٹ کرفیو اور کووڈ پروٹوکول پر عمل کرانے کے لئے نوئیڈا کے 8 آئی پی ایس افسران مستعد ہیں۔

پولیس کمشنر آ لوک سنگھ کا کہنا ہے کہ ضابطے کی خلاف ورزی کرنے والوں کے خلاف سخت کاروائی کی جائے گی۔ وہیں پنچایتی انتخابات بھی پولیس کے لئے ایک چیلنج بنا ہوا ہے۔