اپوزیشن فوج کی بے عزتی کر رہا ہے: مودی

عام انتخابات سے قبل پلوامہ دہشت گردانہ حملہ ایک بار پھر سرخیوں میں ہے، اوورسیز نیشنل کانگریس کے سربراہ سیم پیترودا نے سرجیکل اسٹرائیک پر سوال اٹھائے ہیں۔

وزیراعظم نے ملک کی عوام سے درخواست کی ہے کہ اپوزیشن سے آپ سوال طلب کریں ان کو بتائیں کہ 130 کروڑ کی عوام اپوزیشن کو ان کے بیانوں کے لئے معاف نہیں کرے گی اور نہ ہی بھولے گی۔

وزیراعظم مودی نے کہا کہ اپوزیشن ہماری فوج کی بار۔بار بے عزتی کر رہا ہے۔

اسی کے ساتھ ہی مودی نے ٹوئٹر پر ایک اور ہیش ٹیگ جنتا معاف نہیں کر ے گی مہم کا آغاز کیا۔

راہل گاندھی کے قریبی اور انڈین اورسیز میں کانگریس کے سربراہ سیم پیترودا نے پلومہ حملہ کے بعد بالاکوٹ میں بھارتی فضائیہ کی کارروائی پر سوال اٹھا تے ہوئے کہا کہ میں نے اخبار میں جو پڑھا ہے اس سے زیادہ جاننا چاہتا ہوں۔

سیم پاترودا نے کہا تھا کہ پلوامہ جیسے حملہ ہو تے رہتے ہیں، ممبئی کے تاج ہوٹل اور اوبرائے ہوٹل میں بھی اس طرح کا حملہ ہوا تھا ہم بھی حملہ کرسکتے تھے لیکن ہمم نے اپنے جنگی جہاز پاکستان نہیں بھیجے تھے'۔

ان کا مزید کہنا تھا:' یہ درست طریقہ نہیں ہے۔ اگر کسی ملک کے آٹھ لوگ کوئی جرم کرتے ہیں تو اس کے جواب میں آپ پورےملک پر حملہ نہیں کر سکتے'۔

ان کے اس بیان پر وزیر اعظم مو دی نے کہا کہ :' کانگریس کے وفاداروں نے بھی وہ باتیں تسلیم کرلی ہیں جسے ملک پہلے سے جانتا ہے'۔
مودی کا کہنا تھا:' یہ نیا بھارت ہے جو دہشت گردوں کو سود سمیت ان کی زبان میں جواب دینا جانتا ہے'۔