ایمس کا او پی ڈی عارضی طور پر بند

کورونا وائرس بحران کے پیش نظر آل انڈیا انسٹی ٹیوٹ آف میڈیکل سائنس (ایمس) نے اپنے سبھی مراکز کے او پی ڈی کو عارضی طور پر دو ہفتے کے لیے بند کرنے کا فیصلہ کیا ہے۔

قومی دارالحکومت دہلی میں واقع ایمس کے میڈیکل سپرنٹنڈنٹ ڈاکٹر ڈی کے شرما نے اس معاملے میں حکم جاری کرتے ہوئے کہا کہ ایمرجنسی اور نیم ایمرجنسی مریضوں کے لیے مناسب بستر مہیا کرانے کے لیے او پی ڈی اور جنرل۔نجی وارڈ کو بند کرنے کا فیصلہ کیا گیا ہے۔

ایمس کا او پی ڈی عارضی طور پر بند

ڈاکٹر شرما کی طرف سے جاری حکم کے مطابق ایمس میں اگلے دو ہفتوں تک او پی ڈی، جنرل وارڈ اور نجی وارڈ بند رہیں گے۔ اس کے بعد حالات کو دیکھتے ہوئے مزید فیصلے کیے جائیں گے۔

جنرل اور نجی وارڈ میں بھرتی ایمرجنسی اور سیمی ایمرجنسی مریضوں کا علاج جاری رہے گا۔ ایمرجنسی مریضوں کو بستر نہیں مل پا رہے تھے۔ اسی کی وجہ سے ایمس نے او پی ڈی، جنرل وارڈ اور پرائیوٹ وارڈ کو بند کرنے کا فیصلہ کیا ہے۔