آبی نکاسی تنازع پر فائرنگ، ایک زخمی

نور پور گاؤں کے رہائشی راشن ڈیلر سرفراز کا الزام ہے کہ نکاسی آب کے معاملے پر پڑوسی وصی رضا سے اس کا جھگڑا ہوا تھا۔ اس وقت آس پاس کے لوگوں نے معاملہ سلجھا دیا تھا۔

گریٹر نوئیڈا کے جارچہ کوتوالی کے علاقے نور پور گاؤں میں آبی نکاسی پر فریقین کے مابین جھگڑا ہوا۔ اس تنازعہ مین شہ زوروں نے راشن ڈیلر سرفراز پر قاتلانہ حملہ کرکے انہیں زخمی کردیا۔

اہل خانہ نے زخمی راشن ڈیلر کو دادری کے نجی اسپتال میں داخل کرایا ہے۔ متاثرہ کے بھائی اکبر نے جارچہ کوتوالی میں پانچ افراد وصی رضا، رضوان سلام، کلام اور کامل کو نامزد کرتے ہوئے مقدمہ درج کرایا ہے۔

اس علاقے کے نور پور گاؤں کے رہائشی راشن ڈیلر سرفراز کا الزام ہے کہ نکاسی آب کے معاملے پر پڑوسی وصی رضا سے اس کا جھگڑا ہوا تھا۔ اس وقت آس پاس کے لوگوں نے معاملہ سلجھا دیا۔

متاثرہ شخص کا الزام ہے کہ منگل کی صبح چھ بجے جب وہ اپنے سے گھر جا رہا تھا تو رضا اور پانچ دیگر لوگوں نے اس پر تلوار اور چاقو سے حملہ کیا۔ چیخ پکار سن کر اور پڑوسیوں کو آتے دیکھ کر ایک ملزم نے ان پر گولی چلائی، جس سے وہ زخمی ہوگیا۔

واقعے کی اطلاع ملنے پر لواحقین موقع پر پہنچ گئے اور زخمی سرفراز کو دادری کے نجی اسپتال میں داخل کرایا۔ جارچہ کوتوالی انچارج شیام سندر سنگھ نے بتایا کہ زخمی کے بھائی اکبر کی شکایت پر وسی رضا، رضوان، سلام، کلام اور کامل سمیت پانچ افراد کے خلاف مقدمہ درج کیا گیا ہے۔