كورونا وائرس: مرکز ذہنی معذورین کےلیے مناسب انتظامات کرے

قومی انسانی حقوق کمیشن نے مرکزی حکومت سے کورونا وائرس کی وبا کے پیش نظر لاک ڈاؤن کے دوران سڑکوں پر بھٹکنے والے ذہنی طور پر معذورافراد کے لیے مناسب انتظامات کرنے کو کہا ہے۔

قومی اقلیتی کمیشن نے ذہنی طور پر معذور لوگوں کے انسانی حقوق کی خلاف ورزی کے سلسلے میں دائر شکایت کا نوٹس لیتے ہوئے یہ بات کہی۔

اس نے وزارت داخلہ سے ان لوگوں کے لیے کئے گئے انتظامات اور انہیں کورونا کے انفیکشن سے بچانے کے لیے کئے گئے اقدامات کی معلومات دو ہفتوں کے اندر دینے کو کہا ہے۔

کمیشن نے وزارت سے یہ بھی کہا ہے کہ وہ تمام ریاستوں اور مرکز کے زیر انتظام علاقوں کو بھی ان لوگوں کے کورونا وائرس سے تحفظ اور ان کے لیے مناسب انتظامات کرنے کی ہدایت دیں۔ اس نے کہا ہے کہ مرکز اور تمام ریاستی حکومتیں کورونا وائر س کی وبا سے نمٹنے کے لیے ملک بھر میں قدم اٹھا رہی ہیں لیکن ذہنی طور پر معذور لوگوں کے لئے خصوصی اقدامات اور قدم اٹھائے جانے کی ضرورت ہے۔