'نہ کھاتا نہ بہی، نرملا جی جو کہیں وہی صحیح'

مودی حکومت پارٹ ٹو کے پہلے بجٹ پر سوراج انڈیا کے قومی صدر یوگیندر یادو نے نکتہ چینی کرتے ہوئے کہا کہ یہ کیسا بجٹ ہے، اس میں کتنے پیسے خرچ ہوں گے؟ اس کی تفصیل نہیں ہے۔

سوراج انڈیا کے قومی صدر نے 2019 کے بجٹ کو مایوس کن بتایا۔

'زیرو بجٹ اسپیچ'
وزیر خزانہ نرملا سیتارمن نے بجٹ خطاب میں زیرو بجٹ فارمنگ کی بات کی۔ اس پر سوراج انڈیا کے قومی صدر یوگیندر یادو نے چٹکی لیتے ہوئے کہا کہ زیرو بجٹ فارمنگ کا پتا نہیں لیکن یہ زیرو بجٹ اسپیچ زرور ہے۔ بجٹ 2019 پر زوردار حملہ کرتے ہوئے کسان رہنما یوگیندر یادو نے کہا کہ ایسا بجٹ بھارت کی تاریخ میں کسی بھی وزیر خزانہ نے ابھی تک نہیں دیا ہے۔

'کسانوں کی امید کا بجٹ مانا جا رہا تھا'
یوگیندر نے بتایا کہ 2019 کے بجٹ کو کسانوں کی امید کا بجٹ مانا جا رہا تھا۔ مودی حکومت کی جھولی بھرنے والے کسانوں نے بڑی امیدسے بجٹ کو دیکھ رہے تھے، سوچا تھا کہ وہ اپنی دعاؤں کا اثر دیکھیں گے۔

'کسانوں کا ذکر نہیں'
انہوں نے کہا کہ بجٹ کے خطاب کے دوران سوکھے کا کوئی ذکر نہیں ہے۔ اوارہ مویشیوں سے پریشان کسانوں کے سلسلے میں کوئی بات نہیں کی گئی، کسانوں کی آمدنی کیسے دو گنی ہوگی، اس پر بات نہیں کی گئی۔

سوراج انڈیا کے قومی صدر نے بجٹ پر انوکھے انداز میں نکتہ چینی کرتے ہوئے کہا کہ آج ہم اپنی دعاؤں کا اثر دیکھیں گے لیکن خطاب ختم ہوتے-ہوتے کسان غزل کی آخری لائن میں پہنچ گیا، آج کی رات بچیں گے تو شہر دیکھیں گے۔

کسانوں کے مسائل کو مضبوطی کے ساتھ اٹھانے کے لیے جانے جانے والے یوگیندر یادو نے مرکزی وزیر خزانہ نرملا سیتا رمن کے 'زیرو بجٹ فارمنگ' پر طنز کرتے ہوئے کہا کہ زیرو بجٹ فارمنگ کا تو پتا نہیں لیکن یہ زیرو بجٹ اسپیچ ضرور ہے۔ انہوں مزید چٹکی لیتے ہوئے یہ بھی کہا کہ ایسا بجٹ تاریخ میں کسی بھی وزیر خزانہ نے ابھی تک پیش نہیں کیا۔

مسٹر یادو نے کہا کے بجٹ میں خشک سالی کا کوئی ذکر نہیں ہے، آوارہ مویشیوں سے زیادہ تر کسان پریشان حال ہیں اس سلسلے میں بھی کوئی ذکر نہیں کیا گیا اور کسانوں کی آمدنی دو گنی کیسے ہوگی اس پر بھی کسی طرح کی منصوبہ بندی سامنے نہیں آئی ہے۔ انہوں نے مجموعی طور پر اس بجٹ کو 'فیل' قرار دیا۔