مشہور شیعہ عالم دین مولانا کلب جواد نے کہا کہ وہ کسی پارٹی کی حمایت نہیں کرتے۔
مولانا کلب جواد نے لوک سبھا انتخابات سے عین قبل وقف بچاؤ مہم شروع کرنے کا اعلان کیا اور آج یہاں دہلی کے جورباغ میں مسلمانوں کے ایک بڑے اجتماع سے خطاب کیا۔
ای ٹی وی بھارت سے بات کرتے ہوئے انہوں نے کہا کہ میں تمام پارٹیوں سے اپیل کرتا ہوں کہ وہ وقف کے تحفظ کو اپنے منشور میں شامل کریں۔
اتر پردیش کے وزیر اعلیٰ یوگی آدتیہ ناتھ کی تعریف کر کے تنازعہ میں پھنسے مولانا کلب جواد نے کہا کہ میں نے یوگی کی تعریف کی تھی اس کا مطلب یہ نہیں کہ میں کسی کی حمایت کرتا ہوں۔
انھوں نے واضح کیا کہ وہ کسی پارٹی کی حمایت نہیں کر رہے ہیں بلکہ اگر کوئی اچھا کام کرتا ہے تو وہ اس کی تعریف کرسکتے ہیں۔
