دارالحکومت دہلی کے 35 مختلف علاقوں کو ریاستی حکومت کی جانب سے کنٹنمینٹ میں تبدیل کردیا گیا ہے، اس کے علاوہ حکومت مزید علاقوں کو بھی کنٹنمینٹ میں تبدیل کرنے کا پلان بنا رہی ہے۔
دہلی کے وزیر اعلیٰ اروند کیجریوال نے آج پریس کانفرنس سے خطاب کرتے ہوئے کہا کہ ہم نے سب سے پہلے دلشاد گارڈن کو کنٹنمینٹ میں تبدیل کر کے وہاں آپریشن شیلڈ نافذ کیا تھا، جس کے نتائج خوش آئند رہے۔
اس کے بعد دہلی حکومت ان تمام علاقوں میں آپریشن شیلڈ نافذ کر رہی ہے، جہاں سے کورونا وائرس سے انفیکٹڈ کیسز سامنے آ رہے ہیں۔
انہوں نے مزید کہا کہ اس کے علاوہ دہلی حکومت ایکسپرٹ سے صلاح لے رہے ہیں کہ کن علاقوں کو کینٹنمنٹ میں تبدیل کیا جا سکتا ہے یا جہاں کورونا وائرس پھیلنے کے آثار ہیں، انہیں ہم آرینج رنگ کی کٹیگری میں رکھیں گے۔
دہلی حکومت نے ٹرانسپورٹ سے جڑے طبقہ کو بھی راحت دیتے ہوئے اعلان کیا ہے کہ جو لوگ آٹو، ٹیکسی یا گرامین سیوا سے جڑے ہیں وہ اپنا بینک اکاؤنٹ نمبر ہماری ویب سائٹ پر درج کرا دیں تاکہ انہیں جلد ہی پانچ ہزار روپے بطور مدد کے طور پر دیے جا سکیں۔