موہت نے ملک کا نام روشن کیا

دہلی کی جھلمل کالونی میں رہنے والے موہت شرما نے جنوبی افریقہ میں انٹرنیشنل باڈی بلڈنگ چیمپیئن شپ میں مسٹر ورلڈ کا اعزاز جیت کر ملک کا نام روشن کیا ہے

بھارتیہ جنتا پارٹی کے ریاستی صدر اور نارتھ ایسٹ دہلی سے ممبر پارلیمنٹ منوج تیواری، موہت کو مبارکباد پیش کرنے ان کے گھر پہنچے۔ اس موقع پر منوج تیواری نے کہا کہ 'موہت نے دنیا میں بھارت کا نام روشن کیا ہے۔'
وزیر اعظم نریندر مودی اور قومی صدر امت شاہ کی ہدایت پر بھارتیہ جنتا پارٹی، ان لوگوں کا اعزاز سے نواز رہی ہے جنہوں نے ملک کو فخر کا باعث بنایا ہے۔
اس موقع پرموہت نے ای ٹی وی بھارت سے گفتگو کرتے ہوئے کہا کہ 'انہوں نے یہ کارنامہ تقریبا 8 سے 9 برس کی محنت سے حاصل کیا ہے۔'
واضح رہے کہ جنوبی افریقہ میں منعقدہ چیمپیئن شپ میں 30 سے ​​زیادہ باڈی بلڈرز نے حصہ لیا۔ جس میں موہت نے یہ اعزاز حاصل کرنے کے لیے افریقی باڈی بلڈر کو شکست دی۔