مودی کا ویرساورکر کو سلام

وزیراعظم نریندر مودی نے ہندو قوم پرست ویر ساورکر (ونايك دامودر ساورکر) کی 136 ویں سالگرہ پر انہیں سلام پیش کرتے ہوئے خراج عقیدت پیش کیا۔

مودی نے ٹویٹ کیا 'ویر ساورکر کو ہم ان کی سالگرہ پر سلام کرتے ہیں۔ ویر ساورکر نے بھارت کو مضبوط بنانے کے لئے غیر معمولی جرات، حب الوطنی اور مضبوط عزم کا ثبوت دیا۔ انہوں نے ملک کے باشندوں کی ملک کی تعمیر و ترقی کے تیئں خود کو وقف کرنے کے لئے حوصلہ افزا ئی کی'۔

ونايك دامودر ساورکر کی پیدائش 28 مئی 1883 کو مہاراشٹر کے ناسک میں ہوئی تھی ۔وہ بعد میں ویر ساورکر کے طور پر مشہور ہوئے۔ وہ ایک انقلابی ذہنیت کے حامل اور ہندو قوم پرست تھے۔