پوسٹ میٹرک اور میرٹ کم مینس اسکالر شپ کے لیے درخواست دینے کی آخری تاریخ 31 اکتوبر طئے کی گئی ہے۔
اقلیتی امور کے وزیر مختار عباس نقوی نے کہا کہ رواں برس کے لیے جاری کی گئی اسکالرشپ سے جموں و کشمیر اور لداخ کے طلباء بھی مستفیض ہوں گے۔
انہوں نے کہا کہ ہمارا مقصد ہے کہ ملک کا ہر بچہ تعلیم ھاصل کرے کیوں کہ بہت سے ایسے بچے ہیں جو معاشی اعتبار سے کمزور ہونے کی وجہ سے تعلیمی سلسلہ ترک کردیتے ہیں لیکن اسکالرشپ ان کے تعلیمی سفر کو آسام بنانے مین مددگار ثابت ہوگی۔
مختار عباس نقوی نے کہا کہ اسکالرشپ کے لیے آن لائن درخواستیں طلب کی گئی ہیں اور جہاں بھی آن لائن درخواست دینے کی سہولت نہیں ہوگی وہاں پر حکومت آن لائن درخواست کے لیے سہولیات فراہم کرے گی۔
واضح ہو کہ اقلیتی وزارت نے ہر سال ایک کروڑ اسکالرسپ دینے کا اعلان کیا ہے۔