میناکشی لیکھی کی کیجریوال پر سخت نکتہ چینی

زرعی قوانین کی کاپی پھاڑنے پر بی جے پی کی رکن پارلیمان میناکشی لیکھی نے کہا کہ 'اروند کجریوال سیکنڈز میں رنگ بدلتے ہیں اور گرگٹ کو شرمندہ کرتے ہیں۔ وہ یو ٹرنز کے ماہر اور غیر واضح سیاست کے چیمپئن ہیں۔'

بی جے پی کی رکن پارلیمان میناکشی لیکھی نے دہلی کے قانون ساز اسمبلی کے یک روزہ اجلاس میں مرکز کے نافذ کردہ زرعی قوانین کی کاپیز پھاڑنے پر دہلی کے وزیر اعلی اروند کیجریوال پر طنز کرتے ہوئے کہا کہ وہ "نئے گرگٹ" ہیں۔

نئی دہلی سے رکن پارلیمان میناکشی لیکھی نے کہا کہ دہلی گزٹ میں 23 نومبر کو زرعی قوانین کو نوٹیفائی کیا گیا تھا۔

لیکھی نے کہا کہ 'مرکز کے تین زرعی قوانین سے متعلق 23 نومبر کو دہلی گزٹ میں مطلع کیا گیا تھا۔ اطلاع دینے کے بعد اب دہلی اسمبلی میں اسی ایکٹ کی کاپیاں پھاڑ رہے ہیں۔ یہ موقع پرست سیاست ہے۔ وہ (اروند کیجریوال) ایک نئے گرگٹ ہیں ، جو بغیر کسی وجہ کے صرف رنگ تبدیل سکتے ہیں۔'

انہوں نے کہا کہ 'اروند کیجریوال سیکنڈز میں رنگ بدلتے ہیں اور گرگٹ کو شرمندہ کرتے ہیں۔ وہ یو ٹرنز کے ماہر اور غیر واضح سیاست کے چیمپئن ہیں۔'

جمعرات کے روز خصوصی دہلی اسمبلی اجلاس میں تینوں قوانین کی کاپیاں پھاڑتے ہوئے کیجریوال نے بی جے پی پر الزام لگایا کہ وہ انتخابات کے لئے فنڈ حاصل کرنے کے لئے ان قوانین کو لا رہے ہیں۔

انہوں نے کہا تھا کہ 'بی جے پی نے پچھلے کچھ سالوں میں انتخابات کو بہت مہنگا کردیا ہے۔ بی جے پی نے انتخابات کے لئے فنڈز لینے کے لئے زرعی قوانین بنائے ہیں۔'