نائیڈو نے راجیہ سبھا کے کام کاج پر اطمینان کا اظہار کیا

راجیہ سبھا کے چیئرمین ایم وینکیا نائیڈو نے ایوان کے 252 ویں سیشن کے دوران ہوئے کام کاج پر اطمینان کا اظہار کیا اور ملازموں کی لگن، ایمانداری اور جذبے کی تعریف کی۔

راجیہ سبھا کے چیئرمین ایم وینکیا نائیڈو نے اپنی رہائش گاہ پر ایک جائزہ میٹنگ کی اور سیشن کے آپریٹنگ سے جڑے افسران اور اہلکاروں کی تعریف کی۔

انہوں نے راجیہ سبھا سکریٹریٹ کو سیشن کے دوران کووڈ انفیکشن پائے گئے 83 افسران کو طبی سہولیات مہیا کرانے اور دیگر امداد مہیا کرانے کے احکامات دیئے۔

میٹنگ میں پارلیمانی امور کے وزیر پرہلاد جوشی، وزارت میں وزیر مملکت وی مرلی دھرن اور ارجن رام میگھوال، راجیہ سبھا کے سکریٹری جنرل دیپک ورما، نائب صدر کے سکریٹری آئی وی سبا راؤ، پارلیمانی امور کے سکریٹری آر ایس شکلا اور راجیہ سبھا سکریٹری پی پی کے راما چریولو اور سینئر افسران موجود تھے۔