لوک سبھا اسپیکر اوم برلا نے اپنے پیغام میں کہا کہ اپنے آبائی ریاستوں کو واپس جانے والے تارکین وطن مزدوروں کی مدھیہ پردیش، اترپردیش اور بہار میں مختلف سڑک حادثات میں موت کی المناک خبروں سے ان کا دل مجروح ہے۔
اوم برلا نے مزدوروں کی موت پر رنج و غم کا اظہار کیا
لوک سبھا اسپیکر اوم برلا نے کووڈ۔19 بحران کی وجہ سے نافذ لاک ڈاؤن کے دوران اپنے اپنے آبائی ریاست واپس جانے والے تارکین وطن مزدوروں کی مدھیہ پردیش، اترپردیش اور بہار میں مختلف سڑک حادثات میں موت پر رنج و غم کا اظہار کیا ہے۔
اوم برلا نے مزدوروں کی موت پر رنج و غم کا اظہار کیا
انہوں نے یقین دہانی کرائی کہ تارکین وطن مزدوروں کے آبائی صوبہ میں واپس جانے کی کوششوں کے دوران پارلیمانی حلقہ کوٹہ-بوندی کے راستوں سے گزر رہے مزدوروں کے لیے کھانے، پینے کے پانی اور دیگر ضروری انتظامات کو پورا کرنے کی کوشش کیے جائیں گے۔
لوک سبھا اسپیکر نے تمام ارکان پارلیمان پر زور دیا کہ وہ بھی اپنے اپنے پارلیمانی علاقوں سے گزرنے والے تارکین وطن مزدوروں کے لیے پانی، کھانے اور دیگر ضروری انتظامات کے مناسب انتظام کریں۔ انہوں نے زور دے کرکے کہا کہ عوامی نمائندے ہونے کے ناطے ہر شخص کی مدد فراہم کرنے کی ذمہ داری بڑھ جاتی ہے۔