کیجروال کا پنجاب میں زہریلی شراب سے اموات پر رنج کا اظہار

عام آدمی پارٹی (عآپ)کے کنوینر اور دہلی کے وزیراعلی اروند کیجریوال نے پنجاب میں زہریلی شراب پینے سے بڑی تعداد میں لوگوں کی موت پر گہرا دکھ ظاہرکرتے ہوئے پورے معاملے کی مرکزی جانچ بیورو (سی بی آئی)سے جانچ کرانے کی مانگ کی ہے۔

مسٹر کیجریوال نے اتوار کو ٹویٹ کر کے جائے وقوع پر تعزیت کا اظہار کیا۔آپ پنجاب میں اپوزیشن پارٹی ہے۔

انہوں نے کہا،’’غیر قانونی شراب کی وجہ سے پنجاب میں جان و مال کے نقصان سے دکھی ہوں۔زہریلی شراب مافیاؤں پر پابندی لگانےکےلئے ریاستی حکومت کو فوراً ضروری قدم اٹھانےکی ضرورت ہے۔معاملے کی جانچ فوراً سی بی آئی کو سونپ دی جانی چاہئے کیونکہ پچھلے کچھ مہینوں سے غیر قانونی شراب کے معاملوں میں مقامی پولیس کی جانب سے کسی طرح کا کوئی حل نہیں نکالا گیاہے۔‘‘

واضح رہے کہ پنجاب کے امرتسر ،ترن تارن اور بٹالا میں پچھلے دو دن میں زہریلی شراب پینے سے 50 سے زیادہ لوگوں کی موت ہوچکی ہے۔