Jamia Millia Islamia جامعہ میں 150 سیٹوں کے ساتھ جلد شروع ہوگا میڈیکل کالج

پروفیسر نجمہ اختر کے مطابق جامعہ کے میڈیکل کالج شروعات جلد ہی کی جانے کی امید ہے ان کا کہنا ہے کہ چونکہ ان کی وائس چانسلر شپ کی مدت ختم ہونے والی ہے لیکن اگر میں اس عہدے پر رہتی تو میری کوشش ہوتی کہ ایک برس کے اندر تمام اتھارٹیز سے اجازت لیکر آیندہ برس کی نیٹ امتحانات میں کامیابی حاصل کرنے والے طلبہ کو اس کالج میں داخلہ دوں اور ایم بی بی ایس کالج کا باضابطہ آغاز کروں۔

جامعہ ملیہ اسلامیہ نے گذشتہ ہفتہ اپنے صد سالہ کانوکیشن کی تقریب میں یہ اعلان کیا تھا کہ جامعہ ملیہ اسلامیہ کو اب میڈیکل کالج کی منظوری مل چکی ہے تاہم آج شیخ الجامعہ پروفیسر نجمہ اختر نے ایک پریس کانفرنس کے دوران بتایا کہ جامعہ ملیہ اسلامیہ کا میڈیکل کالج اسی کیمپس میں بن رہا ہےباس کا کام 6 ماہ قبل ہی شروع کردیا گیا تھا اور ہسپتال کے لیے جسولا علاقہ میں موجود 5 ایکڑ زمین پر ایک دس منزلہ عمارت تعمیر کرنے کا ارادہ ہے۔

پروفیسر نجمہ اختر کے مطابق جامعہ کے میڈیکل کالج شروعات جلد ہی کی جانے کی امید ہے ان کا کہنا ہے کہ چونکہ ان کی وائس چانسلر شپ کی مدت ختم ہونے والی ہے لیکن اگر میں اس عہدے پر رہتی تو میری کوشش ہوتی کہ ایک برس کے اندر تمام اتھارٹیز سے اجازت لیکر آیندہ برس کی نیٹ امتحانات میں کامیابی حاصل کرنے والے طلبہ کو اس کالج میں داخلہ دوں اور ایم بی بی ایس کالج کا باضابطہ آغاز کروں۔

شیخ الجامعہ پروفیسر نجمہ اختر نے پریس کانفرنس کے دوران بتایا کہ ان کی خواہش ہے کہ جامعہ کا میڈیکل کالج 150 سیٹوں کے ساتھ اپنے سفر کا آغاز کریں کیونکہ 50 سیٹوں کے ساتھ کالج کی شروعات اگر ہوتی ہے تو پھر بار بار اس کی سیٹوں کے اضافے کے لیے اجازت کی ضرورت ہوگی اس لیے ہم پہلی بار میں ہی 150 سیٹوں کا ٹارگٹ لیکر چل رہے ہیں۔

اس کے لیے کتنا خرچ آئے گا اور پیسہ کا انتظام کیسے ہوگا اس سوال کے جواب میں پروفیسر نجمہ اختر نے بتایا کہ وہ پبلک پرائیویٹ پارٹنرشپ ماڈل کے ذریعے اس کام کو انجام دینا چاہتی ہیں فی الحال سرکار کی جانب سے نہ تو پیسہ دینے کے لیے منع کیا گیا ہے اور نہ ہی انہوں نے ہم سے کوئی کمٹمنٹ کیا ہے تاہم اگر سرکار پیسہ نہیں بھی دیتی ہے تو وہ اس کام کو روکنے نہیں دینا چاہتیں۔