Tourism Study Tour: محکمہ سیاحت کے اسٹڈی ٹور کیلئے جامعہ کے دو طلبا کا انتخاب

جامعہ ملیہ اسلامیہ (Jamia Millia Islamia) کے دو طلبا محمد واصل اسرار (سیاحت اور ہوٹل مینجمنٹ میں پی ایچ ڈی) اور دیوش ٹھاکر (بیچلر آف ٹورزم اینڈ ٹریول مینجمنٹ) کا محکمہ سیاحت اینڈ ٹورزم ٹریول مینجمنٹ (Tourism Study Tour) میں انتخاب عمل میں آیا۔

جامعہ ملیہ اسلامیہ (Jamia Millia Islamia)کے دو طلبا ملک بھر سے منتخب کیے جانے والے ان 50 طلبا میں شامل ہیں جنہوں نے کوہیما کے مطالعاتی دورے میں حصہ لیا تھا۔ ناگالینڈ میں ان کا انتخاب عمل میں آیا۔ یہ انتخاب ہم نصابی سرگرمیوں اور پروگرامز میں شرکت کی بنیاد پر سیاحت کی وزارت اور بھارت کی یونیورسٹیز کی ایسوسی ایشن کے طے کردہ معیار پر مبنی ہوتا ہے۔

ناگالینڈ میں اس سلسلہ میں انٹرنیشنل ٹورزم مارٹ اور ہارن بل فیسٹیول 2021 تقریب 27 تا 29 نومبر کو منعقد ہوگی۔

اس تقریب کی میزبانی مرکزی وزارت سیاحت اور حکومت ناگالینڈ کی جانب سے کیا جارہا ہے۔ تقریب میں 8 ریاستوں کی معزز شخصیات اور اعلیٰ عہدیدار شرکت کریں گے۔