تاریخ میں پہلی بار شاہی جامع مسجد میں نماز ادا نہیں کی گئی

کورونا وائرس کے پھیلاؤ کو روکنے کے لئے نافذ لاک ڈاون کی وجہ سے بھارت کی شاہی جامع مسجد دہلی میں جمعہ کی نماز باجماعت ادا نہیں ہوئی، شاہی مسجد میں باجماعت نماز ادا نہ ہونے کی ستائش ہورہی ہے، لیکن یہاں کے مقامی لوگ اسے ایک تاریخی واقعہ کے طور پر بھی دیکھ رہے ہیں۔

ایک مقامی شخص کا کہنا ہے کہ وہ 55 برسوں سے جامع مسجد کے آس پاس رہائش پذیر ہے، لیکن انہوں نے آج تک ایسا نہیں دیکھا کہ جامع مسجد میں جمعہ کی نماز نہیں ہوئی۔

ایک اور شخص نے بتایا کہ ان کی حیات میں بڑے۔ بڑے کرفیو لگے، مگر جامع مسجد میں باجماعت نماز ہوتی رہی، لیکن اس وبا کے آنے کے بعد یہاں جماعت سے نماز نہیں ہورہی ہے۔

شاہی جامع مسجد

انہوں نے مزید کہا کہ ان کی دعا ہے کہ وبا جلد سے جلد ختم ہو اور مسجد میں دوبارہ نماز شروع ہوجائے۔

شاہی جامع مسجد

شاہی جامع مسجد کی تعمیر مغل بادشاہ شاہ جہاں نے 1656 میں تعمیر کیا تھا، اس وقت سے آج تک اس مسجد میں باجماعت نماز ہوتی رہی ہے۔ اسی مسجد سے متصل مینا بازار بھی ہے، جو اپنی رونق کی وجہ سے کافی مشہور تھا، مگر اب یہ بازار بھی سنسان پڑا ہے۔